في الزمن اللي إحنا فيه، مش لازم تستنى حد يساعدك علشان تبدأ. لو عندك هدف أو فكرة معينة عايز تحققها، اعمل سيرش، اسأل، واتعلم بنفسك. الناس مش هتفضل دايمًا فاضية تساعدك، فمتضيعش وقتك في الانتظار.
ليه لازم تعتمد على نفسك؟
– التأخير هيكلفك وقت: لو فضلت تستنى مساعدة من حد، ممكن تعدي أسابيع أو شهور من غير ما تبدأ.
– التعلم الذاتي أسرع: مع وجود الإنترنت، تقدر توصل لكل المعلومات اللي محتاجها لو عملت سيرش بسيط.
– الاعتماد على الغير بيبطئك: لما تعتمد على غيرك، غالبًا هتلاقي نفسك بتكسل وبتضيع وقت.
أنا بقولك الكلام دا من واقع تجربتي، كنت مستني حد يساعدني في حاجة معينة، واستنيت أسبوعين. في الآخر اكتشفت إني كنت ممكن أعمل سيرش كم ساعة وأوصل لكل اللي محتاجه بنفسي. لما تعتمد على نفسك، هتلاقي إنك بتتحرك أسرع وتتعلم أسرع.
ابدأ لوحدك، والباقي هيجي
مش لازم تكون لوحدك طول الطريق، بس البداية هي اللي هتفرق. لما تشتغل لوحدك وتحقق نجاح بسيط، هتلاقي ناس كتير بتيجي وتحب تقف جنبك وتساعدك تكمل.
وبس كدا، في الزمن دا لازم تبقى مستقل في البداية، لحد ما توصل لمكان يخلي الناس تقدر تعبك وتحب تكون جزء من نجاحك.
مهم إنك تبدأ، لأن التأخير مش هيزودك حاجة غير ضياع للفرص والوقت.
إذا كنت ترغب في متابعة أحدث المعلومات والأخبار الحصرية لعائلتنا، ندعوك للانضمام إلى مجموعة فريلانسينج بالعربي.