بعد تجربتي في العمل الحر (فريلانس) والعمل داخل شركات وسط فرق عمل كبيرة، اكتشفت أن الشغل في شركة يسرع عملية التعلم بشكل كبير جدًا مقارنة بالفريلانس.
لما تشتغل في شركة، هتتعرض لمواقف عملية أكتر وهتسأل كتير، ده هيساعدك تفهم كل حاجة كنت بتعملها لوحدك قبل كدا، حتى لو كنت بتشتغل كويس، بس في الشركة هتعرف التفاصيل اللي ملهاش اسم عندك وهتتعلم بشكل منظم.
ليه الشغل في شركة مهم؟
- تعلم أسرع: وسط فريق عمل وتحت إشراف ناس أكثر خبرة منك، هتبدأ تتعلم حاجات كنت ممكن تاخد وقت طويل تكتشفها بنفسك.
- تطوير مهاراتك: لما تسأل وتتعلم من غيرك، هتطور مهاراتك بشكل أسرع.
- إطار تنظيمي: هتفهم حاجات جديدة عن العمل الجماعي وإدارة الوقت، وهتعرف تسميات المهام اللي كنت بتعملها بشكل غير رسمي.
ومع كل دا، ماتركزش على المرتب في البداية. فكر إنك بتستثمر في نفسك، وهتقدر تاخد أضعاف الفلوس اللي كنت بتاخدها لما تقوى خبرتك.
طب أبدأ إزاي في الشركات؟
في حالتين الشركات هتقبل تشتغل فيها:
- إذا كنت شاطر في مجالك: لو عندك خبرة كبيرة، هتعمل CV وتقدم على الشركات وتعدي المقابلة.
- لو متعلم الأساسيات: الشركة بتطلب متدربين، ساعتها اتعلم الأساسيات، اعمل CV كويس بالكورسات اللي خدتها واكتب كل مهاراتك، وابدأ ابحث على LinkedIn عن internships أو تدريب في مجالك.
خطوات بسيطة تساعدك تبدأ:
- تعلم الأساسيات: خد كورسات في مجالك علشان يكون عندك خلفية كويسة.
- اعمل CV احترافي: سجل كل الكورسات والمهارات اللي اتعلمتها.
- ابحث على LinkedIn: أدخل ابحث عن فرص تدريب (internships) في الشركات المناسبة لمجالك.
- تواصل مع المحترفين: ابعت للناس اللي ممكن يساعدوك على LinkedIn واطلب منهم نصائح أو فرص تدريب.
مفيش حاجة بتيجي بالساهل، بس مع الاجتهاد والتوفيق هتقدر تحقق أهدافك.
بكدا تكون وضحت الفكرة، استمر بالتعلم والتطور سواء في الفريلانس أو الشركات، والمهم إنك تستفيد من كل فرصة تجيلك.
إذا كنت ترغب في متابعة أحدث المعلومات والأخبار الحصرية لعائلتنا، يمكنك الانضمام إلى مجموعة فريلانسينج بالعربي.
